GALLIA ROMANA

Corpus des textes et représentations
des antiquités gallo-romaines (XVe siècle - XVIIe siècle)

Notice

Ville Boulogne-sur-Mer (Pas-de-Calais, 62)
Sujet(s) Tour d'Ordre
 
Auteur(s) Bouchier, Gilles (16..?-16..?)
 
Support Imprimé
Date 1655
Inscription
Références Bouchier 1655, IV, p. 145, § 13-14
Bibliographie Delmaire 1994, p. 292-292 ; Lemerle 2005, p. 119-120
Remarques
Transcription 

« Extat adhuc ad Bononiam nostram in litore Morinorum ea Turris ; incolis hodie dicta, La Tour d’ordre. Bis aut ter a me annis Christi 1616. et 1624. cum stupore visa, discussáque. Opus cum aliis ejus generis in Belgio nostro Galliisque comparatum, planè Romanum, vetustate mirandum. Quod non solum probant oculi sensusque nostri ; sed & Eginhardus Vitæ Caroli Magni Annaliumque Scriptor ; cùm de eodem Carolo ad annum Christi 811. ita loquitur : Carolus ipse propter classsem quam anno superiore imperaverat, videndam, ad BONONIAM Gallicam civitatem maritimam accessit. PHARVMQVE ibi ad navigantium cursus dirigendos antiquitùs (nota) constitutam restauravit ; & in summitate ejus nocturnum ignem accendit. Vides ipsa pene Suetonii verba : cumque addit antiquitùs, hoc ipsum Caligulæ designat aevum. Jam enim ea turris, ab hoc Christi anno vulgari seu Dionysiano 40. à Passione decimo, ad annum Christi 811. per annos omnino 771. perstiterat. Unde nihil mirum, si (quod subdit Aimoinus lib. 4. cap. 99.) fastigium ejus vetustate dejectum, Carolus Imperator tanto post tempore restauravit.
[§14] Ego quoque Turris istius summitatem adhuc hodiernam, diversæ ab iis, quæ subjacent, manus & operæ animadverti. Inferiora certe, quà lapidum genere, quà cæmento & structurâ longè firmiora. Longis insuper ac grandibus intra parietum saxa lateribus terreis atque coctilibus, opere Romano insertis colligata. Rursus ut non minimam quam Caligulæ æteatem praæferre videatur. Est octangula ; singuláque latera 24. aut 25. pedum mihi visa ; ut totus illius ad solum circuitus pedum simul 192. aut si forte ducentorum sit ; prout mensura pedis extendi stringive potest. Paulatim definit in acumen pyramidisque similutidinem. Medioque fere altitudinis, quaternis dumtaxat lateribus, fenestras habet. Quæ omnia an Æegyptiae quoque Pharo infuerint, examinare poterit cupidus Lector. Satis etiamnum eminet. In eminentiore tamen, cui superimponitur, litore. Monimentum cis Alpes credo vetustissimum juxta & pulcherrimum.
[nota : quam Carolus Magnus postea reparavit] »