GALLIA ROMANA

Tamizey de Larroque 1883, pp. 504-514 ; Jullian 1901, pp. 211-221 ; Bonnard 1908, pp. 338-339 ; Lemerle 2005, p. 107

« Le bastiment et autres commoditez desdits bains sont merveilleusement belles, estant divisez en trois bains, a scavoir le grand bain en sa source fort grande et abondante quon voyt sortir a grandz flotz en divers endroitz, laquelle est si extremement profonde quavec tous engins cordes et bastons on na iamais peu attaindre le fons qui est chose esmerveillable et fort effroyable a veoir Ceste source et grand bain est fort bien basty de haute muraille bien large en quarre.
A lung cousté de ladite source par des canaulx ladite eau bouillante passe et se rend fort temperee dans ung beau grand lieu et long basty expres de pierre de taille ou les hommes se baignent et nagent facilement comme dans une riviere.
De laultre couste par semblbales canaulx passe ladite eau de ladite source dans quatre plus petitz bains bastis en quarre de pierre de taille, qui sont fort beaux et bien accomodez. […] [58] Il y a ez environs de ladite ville force mines dargent de fer et de soufre et aultres metaux mesmes on dit que lesdits bains de ladite ville passant pres le temple st vincent de xainctes au lieu appelle poybaignou et poy de xainctes auquel lieu y a aussi une forme de bains antiques et plusieurs petites sources deaux chaudes et passant ainsi par ces mines dargent cela cause que lesdites eaux tant dedans la ville et dehors n’ont aucun mauvais goust. »