GALLIA ROMANA

DLF XVI^e siècle, p. 237 ; Amy/Gros 1979 ; Fiches/Veyrac 1996, pp. 278-286 ; Gros 1996, pp. 157-159 ; Lemerle 2005, p. 85 ; Lemerle 2013-2

« Car Iean Poldo en ses [282] Antiquitez de Nismes a remarqué, que ceste belle maison carrée qu’on void dans la ville de Nismes est encore auiourd’huy appellee le Cap-duel, ou Capitole. […] [286] Il semble que ceste Basilique soit le bastiment qu’on appelle la maison carrée. Car bien qu’auiourd’huy on la nomme le Cap-duel, qui veut dire en langage du pays Capitol, neantmoins il est certain qu’elle n’est point bastie en forme de Capitole ; d’autant que comme escrit S. Hierosme au 14. Chap. de ses Commentaires sur Esaïe, ce mot de Capitolium n’est autre chose que Arx, ou forteresse, & Arsenac : toutesfois ceux qui ont veu la maison carrée, sçauent assez que c’est vn bastiment plus enrichy d’ornemens d’architecture, que de tours ou rempars. Iean Poldo rapporte vne ancienne inscription qu’il dit auoir esté treuuée en la ville d’Aix en Prouence, laquelle si tant est qu’elle fut veritable, on ne peut reuoquer en doute qu’elle n’ayt esté iadis attachée, ou grauée sur les murailles de ceste basilique. Voicy l’inscription.
PLOTINA TRAIANI VXOR SVMMA HONESTATE ET INTEGRITATE FVLGENS STERILITATIS DEFECTV SINE PROLE FECIT CONIVGEM QVI EIVS OPERA ADRIANVM ADOPTATVM IN IMPERIO SVCCESSOREM HABVIT A QUO IN BENEFICII MEMORIAM NEMAVSI AEDE SACRA MAXIMO SVMTV, SVBLIMIQVE STRVCTURA, AC HYMNORVM CANTV DECORATA POST MORTEM DONATA EST.
Les plus sçavans hommes de nostre temps, mesmes le docte Casaubon ont estimé que ceste inscription est nouuelle & supposée : l’on voit encores auiourd’huy dans la ville de Nismes plusieurs anciennes pierres, grauées des inscriptions que nous representons au public : lesquelles monstrent assez comme elle fut iadis frequemment habitée par les Romains. »