GALLIA ROMANA
Database of texts and images
|
Ville | Nîmes (Gard, 30) |
Subject(s) | Roman city walls |
Author(s) | Deyron, Jacques |
Antiquarian from Nîmes (16.. ?-1677) | |
Resource type | Printed book |
Date | 1656 |
Inscription | |
References | Deyron 1656, pp. 16-19, p. 21-23 |
Bibliography | Fiches/Veyrac 1996, pp. 176-178 ; Gros 1996, pp. 48-49 ; Lemerle 2005, pp. 84-88 ; Lemerle 2013-2 |
Remarks | A very slightly modified version of this text is contained in the 1663 edition of Deyron's book (pp. 14, 42-45) |
Transcription
« Ioint que l’enceinte de nos murailles de closture de la ville, dont nous parlerons au Chapitre suiuant, est d’vne construction posterieure aux Acqueducs. […] [17] Apparemment la vieille closture de la Ville qui subsiste encore en partie, ne fust pas faite au mesme temps de la fondation : Car [18] les fondations des Villes sont faites en l’vne de ces deux manieres ; ou lors qu’vn Monarque fait vne Ville tout de neuf, dans vn lieu où il n’y en auoit point auparauant : auquel cas il assigne avec proportion & commodité, les endroits de ses rües, ses places, ses Temples, l’Hostel de Ville, & le lieu de Plaid ; & y loge incontinent force habitans, comme de nostre temps Richelieu, Charles-Ville & autres : Ou bien le chef d’vne peuplade ou Colonie, ou de quelque Nation transplantée, les loge sur quelque lieu commode & aduantageux ; auquel cas il les hutte à la haste, & à l’estroit pour la necessité, & lors les places des maisons sont prises à l’auanture & en desordre ; & comme leur commencement est petit & necessiteux, leurs bastimens sont chetifs ; & en l’vn & en l’autre cas le lieu reste à clorre iusques à ce que la Communauté des habitans soit assez grande, & qu’ils ayent moyen de le faire. Nostre Nismes vray-semblablement a esté fondé en la premiere manière ; ses premiers bastimens superbes & magnifiques, persuadent aisément qu’il a esté fondé par vne puissance Souueraine, telle que celle de Nemausus, lui luy a donné d’abord toute la justesse & la regularité, & la restauration apres vne generale ruine, a esté faite en la derniere sorte. Ses [19] seconds bastimens petits & irreguliers, en donnent suffisant tesmoignage. Nemausus qui la fonda enuiron l’an deux mil trois cens de la creation du monde, au calcul de Vigenere & de Du Verdier, ne l’enferma pas de murailles : ou s’il luy donna quelque mauuaise closture, ce ne fust pas ce bel & fort edifice qui paroist encore. Mais enuiron mil an apres, les Phocences habitans de Marseille, enseignerent aux Gaulois à se clorre de murailles : comme rapporte Iustin en son XLIII Liure. Et que la closture de Nismes soit l’ouurage des Phocences Marseillois, se prouue du VIII Chapitre du II Liure de Vitreuue ; auquel endroit cet Autheur descriuant l’Architecture des Grecs de son temps, qui estoit sous le regne d’Auguste, dit qu’ils ne mettoient point de pierres en oeuure, sans estre premierement esquierrée par vn costé, & ne laissoient point d’entre deux pour en mettre de petites entre les grandes en la face de la muraille : ains la rendoient massiue par celles qu’ils auoiet esgalées, & renduës d’vne mesme espaisseur : Ce qui est la naïfue description de la ceinture de Nismes, & vne preuue certaine & demonstratiue, que c’est l’ouurage des Phocences de Marseille, qui estoient vne Nation entre les Grecs. […]
|