GALLIA ROMANA

Fiches/Veyrac 1996, pp. 336-350 ; Gros 1996, pp. 335-336 ; Lemerle 2005, pp. 85-86 ; Lemerle 2013-2

« Quô Autore & tempore structum, variæ sed lubricæ conjecturæ, ut certi quid statuere nequeamus. Partes ejus externæ sunt & internæ. Externæ conspiciuntur in pariete exteriore, nimirum Lupa lapidi incisa ; ejus ab uberibus pendent duo pueruli : lucta item incisa duorum pugnantium : vultures Romæ urbis ædificandæ nuncij : triplex item penis in lapide, vetustate multum abiens. Internæ partes Ovalis Amphitheatri sunt, arcus, muri, Subsellia, area, caveæ, podium. Arcus numerantur 60. crassitie singuli 10. pedum invicem distant, ob interpositum murum 12. pedum. Totum ædificium integrum adhuc est maximam partem, tùm quoad circuitus murorum, tùm quoad subsellia. Horum, ut & Arcuum lapides sunt grandes & unius ejusdemque magnitudinis, sed sine ullo cemento vel calce artificiosè conjuncti. Area ædibus adeò est oppleta & inhabitata, ut vicum referre videatur. Caveæ, quæ feras in pugnam producendas continebant, adhuc comparent ; nec non muri, qui arenæ cingendæ serviebant ; & Podium anterius constituebant. Podium locus erat dignissimus ad arenam proximus, pro Senatoribus, &c. Demus hoc sine affectu ex vero majestati hujus Amphitheatri, quod nec furor Gothorum, nec Saracenorum indigni conatus nec Attilæ flammæ, nec ruinæ Martelli destruere potuerunt. […] E quibus præter alia videre licet, aream interiorem, in qua vel miseri [50] homines ad sese mutuò vel cum bestiis certaturi, committebantur, hodierno tempore, variis ædificis, obsitam esse. Tradit Auctor quidam Franciscus, quod 470. passus contineat & 73. fornicibus sustentetur. »