GALLIA ROMANA

Boutier 2004, p. 7-21 ; Lemerle 2005, p. 84-88 ; Lemerle 2013-2

« Je n’en peu partir [de Montpellier] pour la lassitude de mes chevaux que le vendredy 25 Sept. pour venir a Nimes ou il y a 8 lieues du meilleur pais du Languedoc. Nimes estoit une colonie des Romains, bien plus grande ville qu’elle n’est comme les ruines le monstrent. La vous voyes hors la ville les ruines d’un temple bien basty a l’honeur de Diane ou du dieu dis. Sur une haute montaigne toute au pres une tour d’une structure excellente, et quelques uns croyent que c’estoit un mausole pour conserver les cendres de quelque grand. Dans la ville un tresbel (sic) amphiteatre presque tout entier, un bastiment ancien qu’ils appellent la maison quarree et il m’est advis que ce bastiment tient de la forme de celuy de Bourdeaux pour estre un temple a l’honneur d’une imperatrice comme celuy la a l’honneur des dieux tutelaires. Mais ces edifices sont de structure admirable de grandes pierres joinctes dans ciment, et si ne les peut on disjoindre. Nimes est gardé seulement par les habitants qui sont presque tous de la religion ».