GALLIA ROMANA

Néris-les-Bains was an important thermal complex comprising various buildings grouped around the springs. Modern archaeologists appear to be unaware of Banc's account (Corrocher/Piboule/ Hilaire 1989, p. 170-171)

« NERY, est vn bourg en la Prouince de Bourbonnois, à vne lieuë seullement de Montluçon, qui marque auoir esté autresfois quelque chose de meilleur, par les vieilles & copieuses ruynes qui y paroissent encores, mesmes les caues voultées fort frequentes, sur lesquelles le peuple croit qu’il y auoit anciennement vne ville bastie de colonie Romaine. Il y a grande euidence qu’elle aye esté, tant par le rapport des ruynes qui y paroissent fort grandes en forme d’architecture ancienne, que aussi par la frequente descouuerture qu’on faict tous les iours en ces lieux-là, de medailles antiques de cuyure, d’argent & d’or, vn de mes amis m’a asseuré en auoir veu vne d’or, qui y auoit esté trouuée, du poids de trois ou quatre escus, en laquelle estoit figurée la teste d’vn Cesar. […] [128v°] Au milieu du fonds de ce bourg, sont les bains faicts presque de mesme forme que ceux de Bourbon L’archimbault, ils sont diuisez en deux, desquels l’vn est plus grand que l’autre, & le grand se vuide par le petit : Il y a deux sources qui sont garnies chacune de son puys, comme au susdict Bourbon : Mais ils ne sont pas esleuez hors de l’eau, ny barrez par-dessus. Il y a des degrez pour descendre audict bain, toutes les murailles en sont fort bien basties & cimentées. Mais si monstrent–elles moins d’antiquité, que ne sont les vieilles ruynes du bourg : De sorte que ie croy qu’ils ayent esté rebastiz long temps apres. »