GALLIA ROMANA

DLF XVI^e siècle, pp. 886-887 ; Hérisson 1875, p. I-II ; Bonnard 1908, pp. 444-448 ; Lemerle 2005, pp. 69, 109

The passage cited concerns Roman works, as excavations carried out in the 19^th century have confirmed. The open-air basin used as a swimming pool is illustrated by Nicolay on page 115. See also Aubery (1604) et Banc (1605)

« Audict bourg de Bourbon au dessus des halles sont les Baings chaudz prouenant des fontaines chaudes qui passent par mines d’alum et de soulphre et sont beaux et grandz beaucoup plus longs que larges tenant la forme octagone ou à huict faces comme aussy les trois puitz qui sont dedans hault esleues pres de la muraille et tous trois ioignant l’un à l’autre et sont couuers de grilles de fer fermant à clef a ce que personne par inaduertance n’y tumbe car leaue qui est dedans venant des vraies sources des baings est sy extremement chaulde et bouillante que sy une personne ou quelque beste estoit tumbée dedans comme ceulx de Bourbon asseurent quil aduint une fois a un certain homme il seroit bien difficile de le pouuoir retirer autrement que par piéces Lesdictz baings sont tous enuironnes de muraille antique pour la retention des eaues et tout autour par le dedans y a de grandes marches et degres de grandes pierres de taille pour seruir de sieges à ceulx qui s’y baignent et y a une separation du couste des halles au bout du grand baing d’une longue muraille de grandes pierres plattes au millieu de laquelle par un petit canal s’escoulle l’eaue dans un autre réceptoire deux fois plus petit que ledict grand Baing ou les femmes dudict bourg lavent leurs linges et leurs lexives et découllant l’eaue de la faict un petit ruisseau lymoneux et fumant mesmement en hiuer que les eaues sont plus chaudes qui se va ioindre auec l’eaue qui dessend du grand Estang du chasteau et tous deux ensemble entrent dans un autre ruisseau appelle la Burge qui prend sa source au bourg de la Burge soubz ledict chastel de Bourbon et faict mouldre plusieurs moulins. »