GALLIA ROMANA

DLF XVI^e siècle, p. 705 ; Cavaniol 1865, pp. 1-9 ; Jouve 1869, pp. VII-XVI ; Bonnard 1908, pp. 456-462 ; Thévenard 1996, pp. 126-135 ; Lemerle 2005, pp. 67, 125

« Avdict Borbonne y a plusieurs fontaines et bains, la Martelle est appellee de l’antiquité Masaille, si pleine qu’on ne la scauroit endurer non plus que le feu […]. [15] De la est portee l’eau par vn bref traiect en vn amphitheatre d’assez bonne capacité. Il n’y a homme qui la puisse durer sans eau froidc, sans estre bouily et rosty, à ceste cause y a un canal d’eau froide pour la temperer selon la force des patients, outre une muraille en y a vn autre semblable, lesquels estoyent au temps des peres de la patrie, à couuert avec tout ce qui se pouuoit desirer à bains pour le plaisir en Italie. Ceste fontaine est appellee maintenant pour le plus souvent la fontaine sainct Anthoine. […] Sont plusieurs autres sources et fontaines et bains coulants au dessous du cousteau, mais celle qui est dicte et nomme (sic) le bain Patrice [16] ou Patri, ou estoit la maison du Seigneur Romain, venue des Senateurs de Rome, est belle et quarree, et en forme vn peu comme oualle et bien pauee, aupres de laquelle se voit le lieu où autrefois ont esté salines, et depuis delaissées et abolies, de peur du degast et bois qui s’en fut faict. Le Cuseau de la riuiere et austres fontaines se rendent partie dedans ledict Bain Patri mesme, dont l’eau en est quelque peu contaminée et mise quasi en oubly de ses propres habitants. Outre y a un grand Bain plus long que large de grande grandeur pour toutes gens riches et pauvres […], […] iadis estoit ce quarre fermé, où estoyent grandes galleries, et au reste couuert : ce qui a amené ceste ruine à si grande richesse et piscine de Siloë depuis la guerre des ducs de Bourgongne, auec le Roy de France, il ne demeura place en Bassigny sans ruine de feu pour lors, ou bien peu fortes) est que le Roy est seigneur de Bourbonne. »