GALLIA ROMANA

Constans 1921, pp. 383-404 ; Lemerle 2005, p. 91 ; Rothé/Heijmans 2008, pp. 720-721

Gertoux's manuscript, today incomplete, was integrally copied by François de Rebatu

« Il aduint ces années passées, en lannee Milcinq cenz septante, qu’il fut trouué un bourneau & canal de plomb dans la Riuiere du Rosne, que de fortune un batelier conduisant son bateau* [apostille : « chargé de vin uenant de Beaucaire ou de Tarascon, & a cause de limpetuosité de l’eau ne pouuant prandre port allant droit a la traille en danger de se perdre, mesme ayant son arbre droict ; pour laquelle occasion fut constrainsct getter son ancre dans la riuiere au hazard qui lui fut fauorable, dautant qu’il s’accrocha tresbien, & retint le bateau. Gertoux. »] au deuant de la ville et de ce bourg, pour quelque occasion fut constraint getter son ancre dans la riuiere, laquelle voulant retirer la trouua tellement acrochée & tenir au fonds, qu’il luy estoit impossible de la r’auoir; ne fut qu’a l’aide des autres bateliers, & a force de cordages non sans grande difficulté ala parfin l’arracha, & auec lanchre ce bourneau ou tuyau de plomb de la longueur de deux ou trois toises soudé de deux en deux pieces fort artificialement; & au dessus se trouuerent ces motz gravez en caracteres Romains fort anciens C. CANTIVS. PONTINVS. FAC. Que pouuait estre ou le nom d’iceluy qui faisoit la besoigne, ou diceluy qui la faisoit faire: Ne pouuant estre autre chose, ainsi qu’on peut coniecturer sinon lorsque les Romains [ blanc dans le texte] dominoient ceste ville, desireux et cupides [179] comme il est tres notoire par leurs hautz & genereux faitz immortaliser leurs noms, iusques a les cacher dans les entrailles des profondes riuieres, avoient faict faire ce bourneau & canal pour conduire une fontaine dans ceste autre ville et de ce en donnent quelques apparances les aqueducz qui se trouuent encores distant une lieue loing de la ville darles de la terre de l’Abbé de Montmajour pour faire passer ceste fontaine par dedanz la riuiere du Rosne; Chose qui estoit dune haute & grande entreprise. Et a la verité ce Romain, quiconque soit, il n’a esté frustré de son honneur & attante : car ayant caché son nom dans le profond de ceste riuiere, a la parfin auec le temps a este descouuert; & est encore ce bourneau conserué en la maison de la Ville, auec la description comme le faict est aduenu. [apostille en haut à gauche : « Mémoire que monsieur Charles palmier m’a dict que quand on faisoit le fossé de Trinquetaille du temps des troubles scauoir en lan [blanc] et au mois de [blanc] on trouua de [blanc] » ; en bas: « Un canal seruant pour porter leau de l’aqueduc faict & basty de briques carrées de la largeur dun pan de carre, espais de 3 doigts chascune, ayant icelui escript en grosse lettre Romaine & longueur de 2 doigts ce mot