GALLIA ROMANA

DLF XVII^e siècle, pp. 886-887 ; Coulon/Holmgren/Provost 1992, pp. 64-66 ; Dumasy-Mathieu 1994 ; Lemerle 2005, p. 70

« En la Seigneurie, terre et chastellenie d’Argenton, ont esté, par le passé, de fort grande somptuositez qui, de présent, sont en ruyne, par le moyen des guerres et aul[154]tres cas fortuit, ainsy que le démonstre la sistuation de l’ancien Chastel, qui est sistué et assiz sur le plat d’unne haulte montaigne, et d’un roidde et hault rocher auquel se voit unne haulte tour antique, de forme ronde, fort un arrest, qui est du cousté qui regarde la Gascoigne, ayant en la voulte et chef d’icelle un veau rampant ; et à nom icelle de toutte ancienneté la Tour d’Heracle, lieutenant en ce lieu pour les Romains. […] Près la tour Héracle y a unne aultre moyenne tour fort ruynée, dans laquelle y a un puitz, et joignant l’ancien chastel, y en a un moderne appellé le Neuf Chastel, cloz et fermé d’haultes murailles, et deux grosses tours, le tout de pierre de taille très dure, qui regardent sur la Gascoigne ; et unne aultre forte tour du cousté d’Occident. […] Au temps du susnommé Héracle, la ville [155] d’Argenton estoit où, de présent, est la ville et Prieuré Sainct Marcel, estant le fleuve de Creuze entre deux ; laquelle estoit grande et riche, ainsi qu’il se peult veoir par le circuit des vieilles murailles, dans lequel, en fouissant se treuvent plusieurs cavernes, fontaines et cisternes cimentées et artificielles de pierres de marbre, quelques médalles antiques d’or, d’argent et de cuivre des Empereurs Romains. »