GALLIA ROMANA

Bonnard 1908, pp. 388-396 ; Provost/Menessier-Jouannet 1994-2, pp. 61-63 ; Lemerle 2005, p. 67

The baths at Royat were, together with those at Bourbon-Lancy, the largest and the most sumptuous of all Gaul

« Et qui ne voit à sainct Marc, prez des Chamalieres vne infinité de telles sources froides [13v°] & chaudes, voyre des bains encores adiencez par l’antiquité, qui en ceste vieillesse & caducité sont alterez de leur force & vertu ? […] [130v°] APRES les bains de Bourbon Lancy, ie ne trouue point de marques si entieres de la vieille architecture des anciens, que ceux de S. Marc, pres Chamalieres ; Et combien que les ruynes obscurcissent quel[131]que chose de ceste verité, si est-ce que qui voudra de bien pres enuisager cet œuure, jugera bien qu’il n’appartenoit qu’aux Romains d’immortaliser leur mémoire par l’architecture tant forte & bien cimentée : On verra encores ceste liaison de grosses pierres, qui à grand peine se peult encores desperir : Aussi failloit-il bien de l’industrie pour les conseruer si longuement tels qu’ils sont demeurez en lieu de situation si descouuerte : Et exposé (sic) à tant de rauines d’Eaux des montaignes voysines. Si n’ont-ils sçeu à la longue s’empescher de ceste decadence, au peu de soing de leurs voysins, sans qu’ils ayent esté alterez par les Eaux doulces, qui ont trouué place pour se mesler en fin par-dessous les fondements de ses murailles, à la ruyne de leurs vertus & proprietez. De manière que de present ces bains sont de nul employ. »