GALLIA ROMANA

« Et ne faut aussi obmettre que quelques jours apres que les susdites antiquitez Romaines ont esté trouvées [dans un champ près du prieuré St Martin], comme si la terre nous vouloit encores despartir quelque eschantillon de ce qui est enclos en ses entrailles, ainsi que le sieur de Lange Conseiller du Roy en la Court de Parlement, faisoit dans le jardin de sa maison creuser un puits, ses maneuvres auroient environ quatre brasses dans terre, trouvé un beau canal de plomb de la grosseur d’un homme, remply d’eau claire & coulante en forme d’aqueduct, de façon qu’il y a quelque presumption que ce soyent les reliques du conduit de ceste belle fontaine, qu’Ausone escrit avoir esté anciennement en ceste ville, comme aussi la source du susdit aqueduct vient du costé de la petite Observance, tirant à la Divise joignant l’hospital Saint André, le tout dans l’ancienne ville, ou que ce soit le conduict de la fontaine qui estoit anciennement en la grande place de l’Eglise Sainct André, ainsi que tesmoignent les vers Latins gravez dans le grand clocher de ladicte Eglise. »