GALLIA ROMANA

Corpus des textes et représentations
des antiquités gallo-romaines (XVe siècle - XVIIe siècle)

Notice

Ville Lyon (Rhône, 69)
Sujet(s) « Temple de Vénus »
 
Auteur(s) Champier, Symphorien
  Médecin et polygraphe (1471-1537 ou 1539)
Support Imprimé
Date 1529
Inscription
Références Champier 1529-1, éd. Allut 1859, p. 343, 346
Bibliographie DLF XVIe siècle, p. 245-248 ; Lemerle 2005, p. 58, 110-112
Remarques
Transcription 

« La ou est a present Fourviere estoit Emporium : cest le lieu des foyres & le lieu ou lon battoit la monnoye de toutes les gaules, & non ailleurs. Et despuis ce temps lon appelle ce lieu Fourviere : cest forum Mercurii ou bien le lieu des foyres. Les autres dient quil se appelloit forum Veneris & que despuis ont édifié ung temple audit lieu au nom de la vierge Marie mere du redempteur Iesus, & lont nommé nostre dame de Fourviere, au contraire de Venus. Car il nest rien si contraire a Venus que virginité. Et de ceste hystoire cestassavoir du temple de Venus, nest rien escript aux hystoriens de certain, & pource on en croira ce quon en vouldra croire, nonobstant quil y ait quelque apparence du temple lequel estoit en la montaigne pres Fourviere dont lon a pris la pluspart des pierres de sainct Iehan. Appert encores le fondement diceluy temple, & despuis xxv. Ans en sa lon a faict une petite maison a quatre quarres, au dessus de Lantiquaille tirant a Forviere. […] [346] leglise de sainct Iehan a esté edifiée materiellement des pierres du temple de Cesar & du temple lequel estoit en la montaigne, dont appert par les pierres de marbre toutes dune grandeur & ligneation, autour du cuer de sainct lehan de lyon, qui est chose digne de contemplation a toutes gens dentendement. »