GALLIA ROMANA

« Tellement que pour se concilier à luy [Auguste], [Plancus] persuada soixante nations de Gaule, de fonder & bastir un temple à Lyon, à la pointe de l’emboucheure des deux rivieres, où de present est l’abbaye d’Aisnay. […] de manière, que le temple d’Auguste fut basty aux communs despens de toutes les Gaules. Et à fin de faire entendre à Auguste leur bonne volonté, ils y erigerent soixante statues, une chacune nation la sienne, lesquelles portoyent chacune son tiltre en escrit. En ce temple y avoit deux autels, dont l’un estoit de tresdigne beauté, & insigne excellence, & l’autre de remarcable grandeur. [16] Et fut ce temple nommé Atheneum, lequel nom est encores demouré iusques auiourd’huy à l’abbaye d’Aisnay, qu’on dict Monasterium Athenacense. […] Ce somptueux temple ayant esté ruiné de fond en comble, par les princes catholiques, & saincts prelats, pour abolition de l’idolatrie & paganisme, plusieurs eglises furent basties des ruines d’iceluy, dont lon recongnoit encores les brisees. »