GALLIA ROMANA

DLF XVI^e siècle, p. 245-248 ; Burdy 2002, p. 39-64 ; Lemerle 2005, p. 58, 111; Le Mer/Chomer 2007, p. 207-209

« Ceste cité entre toutes celles de gaule a [344] fleury au temps des Romains : & aussy devant lempire romain par plusieurs ans, comme demonstrent les ars venant despuis sainct Etienne de Furans en forestz jusques a sainct Iust la ou soulloit estre Lyon. Et a present verrez des ars faictz de grosse bricque & de chaulx, faitz dung merveilleux artifice, massis & grandz plus que pont qui soit en France. Et pardessus estoit le conduyt de leaue venant dune riviere appellée furans, depuys ledict sainct Estienne jusques a Lyon, & tomboit ladicte eaue devant la ou furent decollés les martyrs, ou est a prefent la croix de coille. Et estoit ung artifice que de present tout lavoir des francois a peine pourroit reedifier. Et comme dient les hystoriographes, furent faictz aux despens communs de toutes les gaules : & durent lesdites gaules depuis Cologne sur le Rin jusques aux mons pyrenees. Les ars que de present se demonstrent donnent a cognoistre que de ce temps quilz furent eslevez & construis, Lyon estoit la cité capitale de toutes les cités & provinces des Gaules. Et encores de present trouverez lesdictz ars sus lesquelz passoit leaue au dessus de Lyon tirant vers foreltz aupres de Chapono, cent ou deux cens desdictz ars. Et ou il ny a point dars, trouverez les montaignes percées par ou passoit leaue, & avoir son cours dung merveilleux artifice, lespace de cinq ou six lieues. »