GALLIA ROMANA

« Portail nommé D’Arroux pour estre situé sur un fleuue portant ce nom qui flotte tant contre ledict portail et les antiens murs de la cité D’Autun qui affronte le septentrion la closture duquel aultresfois se faisoit par des portes d’airain d’une haulteur & largeur immense comme les antiens vestiges le peuuent faire recognoistre, lesdictes portes d’airain se levoient et baissoient par coulisse. Une statue de Bronze estoit surledict portail de la haulteur de six piedz qui representoit le dieu Ianus mais depuis quelque temps elle á esté reseruée en un lieu particulier dudict Autun, au dessus de la teste de ladicte statue estoit escrit P. C. R Ianus Bifrons. & soubz ses piedz en un entablement de marbre noir est escrit en lettres dor ces deux vers.
Ianus ego has pridem portas et limina seruo
Ut seruem data sunt proxima templa mihi
Pour aultant que letemple dedié audict Ianus est á costé du susdict portail & luy á esté dedié comme conseruateur d’iceluy. comme il se voira cy apres »