Transcription
« Hîc veterum heroum lusus populique voluptas
Circus, et inclusi restant fragmenta Theatri,
Quod latere ex uno durâ de rupe cavatum
Cervis adhuc gradibus variisque, adsessibus aptum.
Ædem etiam ingentis testantur rudera muri,
Et quondam eximiis decorata peristyla signis
Magnæ molis opus, quantum nec sperneret ipse
Ardua qui posuit Capitolî culmina Cæsar,
Nomen adhuc retinet, vulgo dictante, Dianæ. [...]
[42] Tria hîc quæ in Carmine posuimus & notatu & consideratu uberiore dignissima sunt: Theatri videlicet ingentis ruinæ. Et operis stupendi ex lapide quadrato Murus, quem Dianæ templum vulgus appellat ; Denique & Arcus triumphalis, qui extra portam, quâ itur Lugdunum. Tenuêre [43] profectò oculos nostros cùm operum venerandæ illæ moles, tum in Arcu præsertim equestris iste conflictus artificio haud vulgari elaboratus, singulaque diu & magnâ cum animi voluptate spectavimus. [...] De theatro quod sufficit in Carmine ipso indicavimus. Murum quem Dianæ ædem vulgus opinatur non ego Dianæ crediderim, sed Herculis & Martis templorum reliquias : Atque adeò non unam hîc ædem sed duas dedicatas. [...] [47] Templa quoque duo, alterum Marti, alterum Herculi, ab eodem Fabio idem dedicata, indubitatò statuendum eorum existere hodieque reliquias quem proxime intraque Arausii mænia eximiæ moles & operis Murum conspici diximus, Dianæ templum, vulgo creditum appellatumque. »
|
