GALLIA ROMANA

DLF XVI^e siècle, pp. 901-902 ; Maurin 1978, pp. 100-105 ; Maurin 1999, pp. 150-155, 165-169 ; Lemerle 2005, p. 102 ; Fragonard 2010, pp. 240-572

« Il est certain qu’à Xaintes s[…] il y avoit un aqueduc duquel les vestiges y sont encores, par lequel ils faisoyent venir l’eau de deux grandes lieües distant de ladite ville, & toutesfois la ruine s’en est ensuyvie en telle sorte qu’à present, il y a bien peu d’hommes qui ayent connoissance des vestiges de l’aqueduc [14] susdit. Voyla pourquoy j’ay dit que combien que les antiques ayent besongné de meilleures estofes que les modernes, & qu’ils ayent moins regardé aux frais, si est ce que l’on ne treuve aucunes fontaines antiques. Ie ne di pas pourtant que les sources soyent perdues : car l’on sçait bien que la source antique de la ville de Xaintes est encores au lieu d’où elle procedoit : pour laquelle voir, le Chancelier de l’hospital se destourna de son chemin (revenant du voyage de Bayonne) pour voir l’excellence de laditte source. Il y a encores en certaines vallees entre la ville & la source, quelques arcades sur lesquelles l’on faisoit passer les eaux de laditte source : toutesfois la cause desdites arcades est inconnue au vulgaire. »