GALLIA ROMANA

DLF XVII^e siècle, pp. 341-342 ; Gaillard 1836, pp. 120-174 ; Lemerle 2005, pp. 127, 102-103

« Les marques de l’antiquité de Poitiers sont dans un autre vieux Chasteau demoly, qu’on croid auoir esté le Palais de l’Empereur Galien, és masures d’un Amphitheatre derriere l’Eglise des Jesuistes, [419] qu’on nomme les Arenes, comme à Nismes & ailleurs : & en quelques restes d’Aqueducs hors de la ville, que le vulgaire appelle les Arcs de Pargney. Touchant ces Arenes & cet Amphitheatre, voicy ce qu’en raportent les Annales de France. Quand au lieu des Arenes, qui est joignant ledit Palais, c’estoit le lieu pour faire joustes & tournois. Et pour l’entendre, il faut presuposer, que les Romains eurent les exercices & la discipline militaire, auec des places sablonneuses, qu’ils appelloint Arenes, & pres d’icelles cavernes & fosses voutees, ou ils incarceroient Lions, Leopards, Ours ; & autres bestes cruelles, contre lesquelles les gens, qu’on vouloit envoyer : en guerre, qu’ils appelloient Gladiateurs, se combatoient sur l’arene, c’est à dire sur le sable, tant pour le passe-temps des Princes, que pour les rendre plus hardis en guerre, dont Suetone parle en la vie de l’Empereur Auguste. Et void on encore és arenes dudit Poitiers les vestiges des dites cavernes & prisons sous terre. Et au regard des grands arceaux, qu’on void hors la ville respondans à ce Palais, c’estoient conduits & canaux pour faire venir l’eau de quelque fontaine en iceluy Palais. »