GALLIA ROMANA

« La quantité de ces eaues estoit accreue par celles que la belle fontaine d’Euzraille y contribuoit, & toutes ensemble se venoient rendre au lieu ou se void ceste ruine que l’on dit la Fosse-au-serpent, à mille pas au plus des murailles de la Ville ; C’estoit le lieu des Thermes ou Bains publiques, dont la somptuosité verifie les remarques de Seneque, à l’esgard de semblables bastimens, Epist. 87. Plus de deux cent Colomnes de marbre serpentin embellissoient ce lieu cy, sans en tirer autre commodité, il nous en reste encores plus de cinquante, aucunes entieres, partie en pieces, esparses en plusieurs endroicts de la Ville ; Le Portal de l’Evesché, & la Porte du Pont des Morts qui donne entrée à la Ville du costé de la France, en ont leur principal ornement. Tous ces grands Carreaus espendus çà & là, & qui servent presentement parmy nous à divers usages, de Marbre, de Iaspe, & piere Ophite, & autres, sont les reliques admirables & de ces Bains, & des Palais qui estoient à l’entour. Dans la Citadelle se retrouvent quelques Chapiteaux d’œuvre Corinthe, qui sont demeurez entiers, comme si la derniere main de l’ouvrier en estoit tout recentement retirée »…