GALLIA ROMANA

DLF XVI^e siècle, p. 125-127 ; Duval 1961, p. 141-142 ; Simonin 1987, p. 433-451 ; Buisson 1998, p. 141-162 ; Lemerle 2005, p. 68-69, 112

« Et pour mieux aiser ce lieu [hôtel de Cluny], il [Julien l’Apostat] avoit ses bains chauds en ce lieu, où à present est le College de Sorbonne, ainsi que le traite Gilles Corrozet, diligent recercheur des antiquitez de Paris : lequel dit, que ce Collège est dit en sa fondation, & lettres d’icelle, estre assis ad locum Thermarum Cæsaris, pres la place des Thermes, bains chauds, ou estuves de Cesar : & ajouste, qu’il y avoit encor un Aqueduc, pour conduire les eaux au Palais de Cesar (à present l’hostel de Clugny) lequel duroit dés Arcueil, village assis pres de Paris, & qui fut descouvert l’an mille cinq cens quarante et quatre, lors que le roy François premier du nom, faisoit remparer la ville de Paris du costé de la porte saint Jaques, entant que des Arcueil, jusqu’à la porte susditte, on trouva les arcs, voultes, & canaux, par lesquels l’eau venoit jusques au Palais susnommé, & pour raison de ces Arcades, le village fut nommé Arcueil. […] [195] Au reste faut estimer que tout le corps de cette maison [Collège et hôtel de Cluny] ne fut edifié par les Abbez susdits, ains y avoit des bastimens anciens, & cecy des le temps des Romains, & des premiers seigneurs gaulois ainsi que l’antiquité du lieu le demonstre… »