GALLIA ROMANA
Database of texts and images
|
||||||||||||||||||||||||||
| Ville | Saint-Rémy-de-Provence (Glanum) (Bouches-du-Rhône, 13) |
| Subject(s) | Mausoleum |
| Author(s) | Du Choul, Guillaume |
| Humanist and antiquarian from Lyon (c. 1496-1560) | |
| Resource type | Manuscript |
| Date | 1534 |
| Inscription | |
| References | Du Choul 212, f. 53v° |
| Bibliography | Varille 1923, pp. 453-469 ; Rolland 1969 ; Gateau 1999, pp. 276-289 ; Lemerle 2005, pp. 59-60, 91-93 |
| Remarks | |
|
Transcription
« Les grandz seigneurs faisoient amples mausolees comme est celluy de saint remy aupres davignon excellent en ouvraige de grande despence & de sculpture merveilleux lequel est enrichi & decore par les extremitez de ses coustez de quattre colonnes rondes striez exactement a leur tierce partie & dessus les epistiliez ou architraves le zophore ou frise est couvert de sa coronne ou cornice condecente & raisonnable & audessus se monstre une coupelle incrustee & voultee soustenue par huit colonnes nanes toutes nues qui donnent entre les colonnes autant douverture ou de tour que la symetrie ou mesure le demande. Entre les quattre colonnes de tous coustez de louverture se monstrent pilastres avecques chapiteaulx & les stilobates ou bases sur les latrastes (sic) & par-dessus sault une trave courbe & arcue au meilleu de laquelle est ung roleau & tout cest ouvraige est assiz sur une arc & grand pie destal qui se lieue sur la terre & aux meilleux se voiy lhistoire taillee a hemiglyphes ou demibosse de celuy pour qui fut erige ce magnifique sepulchre qui monstre a se qui me semble sa mort a la chassz dung sanglier touteffis pource que cest chose ruynee & sans escripture lon ny scauroit asseoir jugement qui fut veritable. » |
|