Transcription
« Cest ville est enrichie en son terroir de plusieurs Eglises qu’ils demonstrent fort ancienne, & aussi ce [59] voit antiquitez & choses digne (sic) de mémoire […]. [61] Aupres l’Eglise de S. Pierre dict le meruolier, sont les antiquailles choses de voir [...].
[68]SEigneur Dieu tout puissant vous supplie m’ayder
Afin que ceste histoire je puisse declarer.
Et si les auditeurs me prestent leurs oreilles
je leur racompteray cboses de grand merveilles
D’vn edifice Antic, faict de long temps passez
Par les guerriers qu’estoient aux bons siecles passez
O Dieu pere Eternel donne moy donc mémoire
Que je puisse traiter de ceste Anthique Istoire.
Cependant que repose, ma noble Chirurgie
Je commencerey donc ses vers en poësie.
[69] Au bon pays, que le Rhosne, et Durance
Mouille la terre, qu’on appelle Provence
Ou fleurit l’Olivier, une petite fleur
Que le lix et Jaussemin ne passe sa blancheur
Et l’Empire Romain, de l’anthique saison
De province Romaine luy a posé pour nom
Ou est la ville de sainct Remy fondee
Que de choses antique elle en est ornee
Escrire je le puis, justes confesseront.
Que digne est de louer son honneur et renom.
Aupres de ceste ville il y a une antiquaille
Qu’on y treuve souvent rouillees les medailles
Afin que par le temps je ne vinse à oublier
Cest acte memorable, d’un tres puissant guerrier
Lequel en ce lieu mesme, ce vangea avec son père.
Contre ses ennemis, et une tour fit faire
Avec un Epigramme qui dit comme sensuis
Sextrus viciscitur cum parentibus suis. »
|
