GALLIA ROMANA
Database of texts and images
|
Ville | Arles (Bouches-du-Rhône, 13) |
Subject(s) | Amphitheatre |
Author(s) | Gölnitz, Abraham |
Geographer and cartographer from Danzig (15.. ?–16.. ?) | |
Resource type | Printed book |
Date | 1631 |
Inscription | |
References | Gölnitz 1631, pp. 532-533 |
Bibliography | Constans 1921, pp. 298-324 ; Gros 1991, pp. 49-50 ; Gros 1996, pp. 335-337 ; Lemerle 2005, p. 89 ; Rothé/Heijmans 2008, pp. 274-283 |
Remarks | |
Transcription
« Idem faciet amphitheatrum, quod les arenes vocant, formâ ovali, ad formam amphitheatri Titi Vespasiani, quod Romæ vidimus, structum. Lipsius de hoc inquit : Arelate etiam esse aiunt amphitheatrum, sed parum integrum. Veniâ verò ipsius sit dictum ; integrum satis est, nec collapsum nisi aliquâ subselliorum parte. Mihi opinio est, illum nec hoc, nec Nemausense vidisse ; unde utrique suum detrectat encomium, sententiam ferens sine prætore, sine arbitris. Arelatense hoc, uti & Nemausense, LX est arcuum, quorum singuli XV pedes longi, è vasto & uni[533]formi lapide egregii operis adhuc conspiciuntur. Area olim viris & feris pugnantibus dicata, modò incolarum domiciliis accommodata est. Inde in subterraneas magnæ capacitatis specus descensus sit ; ferarum creduntur fuisse latibula, priusquam ad certamen educabantur ; hodiè textorum officinæ, & vini repositoria, frigiditate gratissimi. Porticus laterales ostendunt caveas & antra, è quibus feræ ad certamen emissæ sunt. Videantur Pomp. Lætus & Ammian. quibus opinio est Imperatorem Gallum Hostilianum anno Christi CCLV, in hoc ædificio ludos suos amphitheatrales, postquam Europam à tyrannis vindicasset, populo exhibuisse. » |