GALLIA ROMANA

DLF XVI^e siècle, pp. 125-127 ; Simonin 1987, pp. 433-45 ; Lemerle 2005, pp. 68-69, 106

« Joignant laquelle [cité] vers Septentrion sont les ruines d’un Amphitheatre fort magnifique qu’on appelle les Rolphies, fait en forme ovale, long de trente toises, & en ayant environ vingt de largeur, & de pareille manufacture que la susdite Tour, Vizonne : & en cet Amphitheatre, au dedans on voit encor les cages, où lon enfermoit jadis les bestes furieuses, pour la punition des criminels, ou pour les combats d’icelles és spectacles & festes publiques. […] si bien qu’on treuve encor le long de cette plaine sous terre plusieurs & divers fondemens d’édifices, des caves, & longues voutes, qu’on a recerchees depuis trente ou quarante ans en ça : & contenoit cette vieille ville plus de septante arpents de terre, là où à present il s’en faut beauoup que la moderne n’en approche du tiers : & laquelle est close de murailles, qu’on peut juger avoir esté des ruines de quelque vieux palais fort magnifique, entant qu’on ne voit autre cas que des pieces de gros piliers, colomnes, architraves, chapiteaux, soubassemens, & fragmens de statues, & pierres gravees d’Epitaphes, & autres antiquitez, & inscriptions Grecques & Latines fort anciennes. »